जनतामाथि डोजर चलाएर परियोजना बनाउन राज्यले दिनुहुन्न – सिके राउत – Madhesh Update

जनतामाथि डोजर चलाएर परियोजना बनाउन राज्यले दिनुहुन्न – सिके राउत

   August 8, 2023  

जनमत पार्टीका अध्यक्ष तथा सांसद डा सिके राउतले जनता माथि डोजर चलाएर परियोजना बनाउन नहुने बताएका छन्। मंगलबार प्रतिनिधिसभा अन्तर्गतको पूर्वाधार विकास समितिको बैठकमा अध्यक्ष राउतले यस्तो बताएका हुन्। उनले विद्युत उत्पादक व्यवसायीहरुसँग पैसा छ भन्दैमा जनतालाई पेलेर जलविद्युतका परियोजनाहरु बनाउन दिन नहुने बताए।

‘व्यवसायीहरूसँग पैसा छ भन्दैमा जनतालाई हेला गर्ने गरी परियोजनाहरु आउनु हुँदैन। त्यसरी आयो भने हामी सांसदहरू नै अवरोध गर्छौं। यो विषयमा म स्पष्ट छु। विकास भन्नेवित्तिकै जनताको लागि हो। विकास जनतालाई मास्ने र देशै र प्राकृतिक संरचना मास्ने गरी कुनै पनि परियोजनाहरु आउनु हुँदैन,’ उनले भने, ‘परियोजनाहरूको वातावरण परिक्षण मूल्याङकन गर्दा इमान्दारी पूवक गराउनुपर्छ। कुनै मन्त्रीलाई वा कसैलाई लाभ लिएर परियोजना पास गर्ने हो भने देशको लागि चुनौती हो।’

उनले सरकारले जनतालाई पेलेर जलविद्युत् परियोजनाहरु निजी क्षेत्रलाई दिए सांसदहरुले नै अवरोध गर्ने बताए। उनले कुनै पनि विकास जनताको लागि गर्ने भएकाले जनताको पक्षमा हुनु पर्ने उल्लेख गरे। उनले विकास जनता र प्राकृतिक संरचना मास्ने गरी कुनै पनि परियोजनाहरु आउनु नहुने बताए।

‘कुनै पनि परियोजना बनाएर ३० वर्ष पूरा भएर सरकारलाई बुझाएको अनुभव नै छैन। त्यसमा जनताले प्रयोग गर्ने गरी परियोजना रहन्छ वा रहँदैन भन्ने टुङ्गो छैन। त्यो गुड मोडल हो जस्तो लाग्दैन,’ उनले भने, ‘निजी क्षेत्रले पनि सरकारी जस्तै सोचेर जाने होइन निजी क्षेत्र भनेको लाभको लागि लगानी गर्ने हो। विद्युत् उत्पादनको लागि संकटकाल लगाउनु पर्छ भन्ने कुरा हुँदैन। मन्त्रालयहरुले ल्याउने ऐन असावधानि किसिमले ल्याउँछन र ? निजी क्षेत्रको लाभको लागि मन्त्रालयहरुले सबै ऐन कानूनहरु खारेज गरेर संकट काल लगाउनु पर्ने ?’

उनले परियोजनाहरूको वातावरण परिक्षण मूल्यांकन गर्दा इमान्दारि पूर्वक गराउन आवश्यक रहेको बताए। उनले कुनै मन्त्रिले वा अन्य कसैलाई लाभ दिएर परियोजना पास भए देशको लागि चुनौती हुने बताए। उनले कुनै पनि परियोजना बनाएर ३० वर्ष पूरा भएर सरकारलाई बुझाएको अनुभव नभएको बताए।

सांसद राउतले निजी क्षेत्रले लाभको लागि लगानी गर्ने भएकाले विद्युत् उत्पादनको लागि संकटकाल लगाउन आवश्यक नभएको उनले बताए। उनले निजी क्षेत्रको लाभको लागि मन्त्रालयहरूले सबै ऐन कानूनहरु खारेज गरेर संकट काल लगाउन तत्काल कुनै जरुरी नभएको बताए।

‘संकटकाल लगाउने भनेको देशलाई नै खतरा भएको अवस्थामा मात्रै हो। अनावश्यक रुपमा संकटकाल लगाएरै ऐन कानूनहरू उल्लङघन गरेर जनता माथि गुल डोजर चलाएर परियोजना पास गर्ने तिर नलाग्न आग्रह छ,’ उनले भने।

अनावश्यक रुपमा संकटकाल लगाएरै ऐन कानूनहरु उलङघन गरेर जनतामाथि डोजर चलाएर परियोजना पास गर्ने रणनीतिमा निजी क्षेत्र नलाग्न आग्रह गरे।
उनले व्यावसायीले चाहँदैमा सबै कुरा राज्यले दिन नहुने बताए।