रौतहटमा हात्तीको आक्रमणबाट एक जनाको मृत्यु

पूर्व–पश्चिम राजमार्गको रौतहट चन्द्रपुर–धन्सारखण्डअन्तर्गत जंगलमा घाँस काटन गएकी एक महिलाको सोमबार दिउँसो हात्तीको आक्रमणबाट मृत्यु भएको छ । समूहमा गएका अन्य भागेर ज्यान जोगाएका थिए ।

चन्द्रपुर नगरपालिका–४ का ४९ वर्षीय मीना मगरको हात्तीको आक्रमणबाट मृत्यु भएको प्रहरीले जनाएको छ । घाँस काट्न जंगल गएकी मगरको हात्तीको आक्रमणबाट घटनास्थलमै मृत्यु भएको इलाका प्रहरी कार्यालय चन्द्रनिगाहपुरले जानकारी दिएको छ ।

घटनास्थलमा डिभिजन वन कार्यालय चन्द्रनिगाहपुरका प्रमुख सुनिल कुमार कर्ण, प्रहरी निरीक्षक ठाकुरप्रसाद सापकोटा पुगेका थिए । चन्द्रनिगाहपुरबाट समूहमा घाँस काट्न गएका बेला हात्तीले आक्रमण गरेको हो । हात्तीले आक्रमण गरेपछि मगरसँगै गएका ७/८ जनाले भागेर ज्यान जोगाएका थिए ।