मधेश प्रदेश स्थगीत भएपछि मुख्यमन्त्रीको विश्वासको मत र सभामुखको मतदान सर्यो

आइतवार पोखरामा भएको विमान दुर्घटनाका कारण सोमवारका लागि डाकिएको मधेश प्रदेश सभाको बैठक स्थगित भए पछि निर्धारित गरिएको मुख्यमन्त्रीको विश्वासको मत र सभामुख निर्वाचन पनि प्रभावित भएको छ ।

पोखरामा भएको विमान दुर्घटनाका कारण सोमबार राष्ट्रिय रूपमा शोक बिदा घोषणा गरिएकोले मधेश प्रदेश सभाको बैठक पनि स्थगित गरिएको प्रदेश सभा सचिवालयले जनाएको छ।

प्रदेश सांसदहरुलाई मोबाइलमा एसएमएस पठाएर बैठक स्थगित गरिएको जानकारी दिइएको छ ।

आजको बैठकमा नवनियुक्त मुख्यमन्त्री सरोजकुमार यादवले विश्वासको मत लिने र सभामुखको मतदान हुने कार्यतालिका थियो ।

अब मंगलबार दिउँसो १ बजे बैठक बस्ने सूचना सांसदहरूलाई पठाइएको हो । यसका साथै मंगलबार नै सभामुखको निर्वाचन समेत हुने प्रदेशसभा सचिवालयले जानकारी गराएका छन ।