जलेश्वर कारागाारमा ज्यान मुद्दाका ८० वर्षीय कैदीको मृत्यु – Madhesh Update

जलेश्वर कारागाारमा ज्यान मुद्दाका ८० वर्षीय कैदीको मृत्यु

   June 24, 2022  

महोत्तरी सदरमुकाम जलेश्वरस्थित कारागारमा आज बिहान एक कैदीको मृत्यु भएको छ। मृत्यु हुनेमा महोत्तरीकै लोहारपट्टी नगरपालिका–१ का ८० वर्षीय राजकरण यादव रहेका जिल्ला प्रहरी कार्यालयका प्रहरी नायब उपरीक्षक प्रकाश विष्टले जानकारी दिए।

कर्तव्य ज्यान मुद्दामा २० वर्ष कैद सजाय भोग्दै गरेका यादव बिहान २ बजे एक्कासी बेहोस भएका थिए।

उपचारका लागि तत्काल प्रादेशिक अस्पताल जलेश्वर लगिएकामा चिकित्सकले उनलाई मृत घोषणा गरेको प्रहरीले जनाएको छ।

यादवको शव परीक्षणका लागि सोही अस्पतालमा राखिएको बताइएको छ।