मन्दिरको अतिक्रमण गर्नेलाई संरक्षण गरेको भन्दै जनकपुरधामका उपप्रमुख किशोरी साहमाथि आक्रमण – Madhesh Update

मन्दिरको अतिक्रमण गर्नेलाई संरक्षण गरेको भन्दै जनकपुरधामका उपप्रमुख किशोरी साहमाथि आक्रमण

   June 19, 2022  

जनकपुरधाम उपमहानगरपालिकाका उपप्रमुख किशोरी साहमाथि आक्रमण भएको छ । जनकपुरधाम उपमहानगरपालिका– २३ बेलागाउँस्थित अतिक्रमण गरिएको जग्गा खाली गराउन माग गर्दै ज्ञापन पत्र बुझाउन आएको समूहले उपप्रमुख साहमाथि आक्रमण गरेको हो ।

आक्रमण गर्ने समूहमध्येका एक महिलाले उपप्रमुख साहमाथि चप्पल प्रहार गरेकी छन् ।

बेला गाउँका स्थानीय समाजसेवी एवं दाताहरुले रामजानकी दुल्हा भगवान कुटीलाई प्रदान गरेको १७ बिघा १५ कठ्ठा जग्गा केही समययता टुक्रा टुक्रा पारी बेचबिखन हुन थालेको भन्दै स्थानीय वासिन्दाले त्यसलाई रोक्न माग गर्दै नगर प्रमुखलाई ज्ञापनपत्र बुझाउन आएका थिए ।

नगर प्रमुख कार्यालयमा नभेटेपछि उनीहरुले उपप्रमुख किशोरी साहलाई ज्ञापन बुझाए । ज्ञापन बुझेपछि उपप्रमुख साहले कार्यालय प्रांगणमा सम्बोधन गर्न सुरु गरे । त्यस क्रममा पनि उनले आफूहरु कसैलाई उजाड बनाउन नभई बसाल्न आएको बताएका थिए । त्यसलगत्तै उनीमाथि आक्रमण भएको हो ।

मन्दिर जग्गा टुक्रा टुक्रापारि बेचबेखिन भइरह्दा स्थानिय जननिर्वाचित प्रतिनिधीहरु मुख दर्शक भएको र त्यसमा संग्लन गरोह संग उनीहरु मिलेको आरोप स्थानियहरुले लगाएका छन ।

उपप्रमुख साह माथी आक्रमण भए लगत्तै पुगेको प्रहरी टोलीले उपप्रमुख किशोरीलाई सुरक्षा दिएर कार्यकक्षमा लगेको थियो ।