भारतीय राजदूतावासद्धारा भारतको ७३ औ गणतन्त्र दिवसको अवसरमा कार्यक्रम आयोजन – Madhesh Update

भारतीय राजदूतावासद्धारा भारतको ७३ औ गणतन्त्र दिवसको अवसरमा कार्यक्रम आयोजन

   January 26, 2022  

भारतको ७३ औं गणतन्त्र दिवसको अवसरमा वुधवार काठमाडौ स्थित भारतीय दुतावासमा एक कार्यक्रमको आयोजना गरियो । नेपालका लागि भारतीय राजदूत श्री विनय मोहन क्वात्राको प्रमुख आथित्यमा भएको कार्यक्रममा भारतको राष्ट्रिय झण्डा झण्डोत्तोलन देखि भारतका माननीय राष्ट्रपतिको सन्देश पढेर सुनाइएको थियो ।

कार्यक्रममा भारतीय राजदूत क्वात्राले वीर नारी र मृतक सैनिकका निकटतम नातेदारलाई नेरु ६.३५ करोड नगद तथा कम्बल वितरण गरी सम्मान गरेका थिए ।

मानवीय प्रयासका क्षेत्रहरुमा भारतीयले हासिल गरेका उल्लेखनीय उपलब्धिको र भारतको स्वतन्त्रताको पचहत्तर वर्षको उत्सव मनाउन भारत सरकारले अघि सारेकोे ‘आजादीका अमृत महोत्सव’ पहलकदमीकै एक हिस्साको रुपमा यो बर्ष भारतीय गणतन्त्र दिवस मनाइएको छ ।

आजादीका अमृत महोत्सव अन्तर्गत वर्षैभरी र सन् २०२३ को अगस्ट महिनासम्म थुप्रै कार्यक्रमहरुको आयोजना गरिने कार्यतालिका छन । नेपालका प्रदेश तथा जिल्लामा भारतको सहायोगमा कार्यान्वयन भएका ७५ वटा विकास परियोजनाहरु यसै वर्ष उद्घाटन गर्ने कार्ययोजना रहेको गणतन्त्र दिवसको अवसरमा आयोजित उक्त कार्यक्रममा जानकारी दिइयो ।

साथै यो बर्ष नेपालका विभिन्न संस्था तथा स्थानीय निकायलाई दुतावासले ७५ वटा एम्बुलेन्स र स्कुल बस उपहार पनि दिने जनाएको छ ।