सिके राउत नेतृत्वको जनमत पार्टीकाका कार्यकर्ताहरु प्रदर्शन जारी

जनमत पार्टीले घोषणा गरेको अनिश्चितकालीन पूर्व-पश्चिम राजमार्ग बन्दको प्रभाव सिरहा,सप्तरी सहित तराई मधेशका अन्य जिल्लामा पनि परेको छ ।

जनमतका कार्यकर्ताले बिहानैदेखि सिरहाको लहान, सप्तरीको भारदह सहित अन्य राजमार्ग क्षेत्रमा प्रदर्शन गरेका छन् । प्रदर्शनका कारण राजमार्गहरुमा अवरोधहरु ठाउ ठाउमा सिर्जना भएको देखिन्छ । लहानमा जनमत पार्टीका कार्यकर्ताहरुले उखु बोकेर प्रदर्शन गरेका हुन् ।

प्रदर्शनकारीले लाठी बोकेर राजमार्ग अवरोध गरिरहेका छन् । महिला कार्यकर्ताहरू पनि आन्दोलनमा सहभागी छन् । उनीहरूले किसानको माग पूरा गर, प्रहरी दमन बन्द गर, किसानलाई मलखाद नदिने सरकार मुर्दाबादजस्ता नारा लगाएका छन ।

किसानलाई सिंचाईको व्यबस्था वा बिजुली निशुल्क दिनुपर्ने, समयमा मलखाद उपलब्ध गराउनुपर्ने, किसानलाई पेन्सन दिनुपर्नेलगायतका ११ बुँदे माग राखेर जनमत पार्टीले मधेशकेन्द्रित आन्दोलन गरिरहेको छ ।