भारतको संबिधान दिवसको अवसरमा विरगंज छलफल कार्यक्रम

भारतको संबिधान दिवसको अवसरमा शुक्रवार विरगंजमा भारतीय महावाणिज्य दूतावासले लोकतंत्र के विशेष संदर्भ में शासन में संविधान की प्रासंगिकता विषयमा छलफल कार्यक्रम गरेको छ ।

आजादी का अमृत महोत्सव कार्यक्रम अन्र्तगत विरगंजको क्लार्क्स रिसोर्ट्समा आयोजना गरिएको कार्यक्रममा मोनिका सिंह, सुरेश कुमार, लक्ष्मी कर्ण, रामेश्वर सेढाई, विनोद गुप्ता, पन्नालाल गुप्ता, प्रोफेसर अनिल कुमार सिन्हा, जगदीश शर्मा, र भारतीय कन्सुल जनरल नितेश कुमारले आ आफनो धारणा राखेका थिए ।

छलफलमा भारतीय संविधानका विशेषताहरू तटस्थता, समावेशीता, परिमार्जनशीलता, प्रगतिशीलता, शक्ति पृथकीकरण, सरकारको कर्तव्य र नागरिकको मौलिक अधिकारको संरक्षणको प्रत्याभूति सहितको विषयमा चर्चा भएको थियो ।बलियो लोकतन्त्रको संविधानले यसका तीन खम्बा व्यवस्थापिका, कार्यपालिका र न्यायपालिकामा नियन्त्रण र सन्तुलन राख्ने र यसले लोकतन्त्रको फलिफाप र सफलता सुनिश्चित गर्ने छलफलका सहभागीहरुले जोड दिए ।

भारतीय कन्सुलेट नितेश कुमारले विभिन्न र जानकारीमूलक विचारका लागि सहभागीहरूलाई धन्यवाद दिए।