जसपाद्धारा प्रमुख सहरहरुमा आमसभा गर्ने घोषणा – Madhesh Update

जसपाद्धारा प्रमुख सहरहरुमा आमसभा गर्ने घोषणा

   December 28, 2020  

संसद विघटनको विरुद्धमा विरुद्धमा आन्द्योलनमा उत्रिएका जनता समाजवादी पार्टीले पुर्व देखि पश्चिम तराई मधेशको प्रमुख सहरहरुमा आमसभा गर्ने घोषणा गरेको छ । तराई मधेशका प्रमुख सहरहरु संगै पोखरा र सुर्खेतमा पनि जसपाले आमसभा गर्न लागेको छ । सोमवार अध्यक्षद्धय महन्थ ठाकुर र उपेन्द्र यादवले विज्ञप्ती निकालेर जसपाको दुई हप्ते आन्दोलनका कार्यक्रम सार्वजनिक गरेको छ ।

जसपाले २१ पुसदेखि ७ माघसम्म देशव्यापी प्रदर्शन गर्न लागेको हो । उसले नागरिक समाज, बौद्धिक वर्गलगायतसँग २१ पुसमा काठमाडौं बृहत अन्तरक्रिया गर्ने भएको छ ।

त्यस पछि जसपाले विराटनगर, धनगढी, भैरहवा, विरगंज, नेपालगंज, जनकपुर, पोखरा, सुर्खेत विर्तामोड,धरान, मंलगवा, सिरहा, कलैया र तैलिहवामा पार्टीका शिर्ष नेताहरुकमे उपस्थितीमा आमसभा गर्ने छ ।

‘सरकारलाई संविधानले दिँदै नदिएको अधिकार प्रयोग गरी प्रतिनिधिसभा भंग गरिएको कार्य असंवैधानिक, अलोकतान्त्रिक र प्रतिगमनकारी कार्य हुन’ अध्यक्ष महन्थ ठाकुर भन्छन्, ‘जनताको संघर्ष र बलीदानबाट प्राप्त उपलब्धीहरूको रक्षा गर्न, सरकारको असंवैधानिक, अलोकतान्त्रिक र प्रतिगमनकारी कदम खारेज गराउन चरणबद्ध आन्दोलन गर्न लागेका हौं ।’

२५ पुसमा धनगढीमा पूर्वप्रधानमन्त्री समेत रहेका संघीय परिषद अध्यक्ष डा बाबुराम भट्टराई, जसपा अध्यक्ष उपेन्द्र यादव र वरिष्ठ नेता लक्ष्मणलाल कर्णले सम्बोधन गर्ने कार्यक्रम रहेको छ । सोही दिन धनगढीमा नवराज सुवेदी, दुर्गा सोव र गोविन्द चौधरी र भैरहवामा जसपा अध्यक्ष महन्थ ठाकुर, नेताहरू महेन्द्रराय यादव र सर्वेन्द्रनाथ शुक्लले सम्बोधन गर्ने भएका छन् ।

२७ पुसमा वीरगञ्जमा उपेन्द्र यादव, लालबाबु राउत, वृषेशचन्द्र लाल, नेपालगञ्जमा मो इस्तियाक राई, महेन्द्रराय यादव, अमृता अग्रहरी र जनकपुमा जसपा वरिष्ठ नेता राजेन्द्र महतो, रेणुकुमारी यादव र शरतसिंह भण्डारी वक्ता रहेका छन् ।

त्यस्तै, २९ पुसमा पोखरामा डा भट्टराई, वरिष्ठ नेता अशोक राई, राजेन्द्र श्रेष्ठ शरतसिंह भण्डारी, सुर्खेतमा मो इस्तियाक राई, नवराज सुवेदी, जितेन्द्र सोनल र विर्तामोडमा रकम चेम्जोङ, हेमराज राई, डम्बर खतिवडा र मनिष सुमनले सम्बोधन गर्ने कार्यक्रम छ ।

३ माघमा धरानमा अशोक राई, रकम चेम्जोङ, परशुराम खापुङ, युवराज कार्की, मलंगवामा राजेन्द्र महतो, महेन्द्रराय यादव, उमाकान्त झा, सिराहामा रेणुकुमारी यादव, अनिल झा, विजय यादव, राजकिशोर यादव, कलैयामा रामसहाय यादव, जितेन्द्र सोनल, प्रकाश अधिकारी, चन्दा चौधरी र तौलिहवामा शरत्सिंह भण्डारी, मृगेन्द्रसिंह यादव र एकवाल अहमद शाह वक्ता रहेका छन् ।

जसपाले ७ माघमा ७७ वटै जिल्ला सदरमुकाम लगायत प्रमुख शहरमा जनप्रदर्शन तथा विरोध कार्यक्रम गर्न लागेको पार्टी अध्यक्ष ठाकुरले जानकारी दिए ।