अनिल झाले पनि महन्थ ठाकुरलाई दिए जसपा कोटाका नामावली

जनता समाजवादी पार्टी, नेपालको पार्टी समायोजनको क्रममा आफनो भागमा पर्ने केन्द्रिय सदस्यहरुको नामावली अनिल झाले महन्थ ठाकुरलाई वुधवार बुझाएका छन । पुर्व राजपाको भागबन्डामा समस्या परे पछि जसपाको समायोजनमा समस्या परिरहेको आरोप उपेन्द्र यादवले पछिल्लो समयमा लगाउदै आएका थिए । मंगलवार मात्रै महेन्द्र यादव र राजकिशोर यादवलो ठाकुरकै उपस्थितीमा उपेन्द्र यादवलाई आफनो नामावलीहरु बुझाएका थिए । यस अघि शरदसिंह भण्डारीले पनि ठाकुरलाई आफनो तर्फको नामावली दिइसकेको छ ।

झाले ठाकुरलाई वुधवार नमावली बुझाए संगै पुर्वराजपा तर्फको समस्या अव नरहेको र अव जसपाको समायोजन प्रक्रिया अघि वढने नेताहरुले बताएका छन । केहि हप्ता अघि बसेको जुपा कार्यकारणी समितिको बैठकले ५ शिर्ष नेतालाई पार्टीको समायोजन काम अघि वढाउने जिम्मा दिएको थियो ।